Mazda CX-5 AWD
-með i-ACTIV AWD fjórhjóladrifi

Mazda CX-5 AWD

Verð frá 5.590.000 kr.
Eyðsla frá 4,7 l/100
CO₂ losun frá 136 g/km

Mazda CX-5 jeppinn ber af í sínum flokki enda stórglæsilegur á að líta og búinn öllu því besta frá Mazda. Ný kynslóð i-ACTIV AWD fjórhjóladrifs gerir Mazda CX-5 rásfastari og enn sprækari. Að komast leiðar sinnar í hvaða færð sem verður verður leikur einn.

SKYACTIV tækni Mazda nær fram hámarks nýtingu á eldsneyti án þess að fórna afli eða aksturseiginleikum. Mazda CX-5 AWD jeppinn hlaut fullt hús stiga í öryggisprófunum Euro NCAP.

Bíllinn hefur verið endurhannaður bæði að innan og utan. Ný LED aðlögunarhæf lýsing sparar bæði orku og eyðslu og gefur bílnum rennilegt útlit. Hann er jafnframt búinn nýju margmiðlunarkerfi. Mazda CX-5 AWD er vel búinn staðalbúnaði og gott úrval aukabúnaðar er í boði.

Ný kynslóð i-ACTIV AWD fjórhjóladrifs

Nýr Mazda CX-5 AWD (All Weel Drive) er búinn nýrri kynslóð af hinu annálaða i-ACTIV AWD fjórhjóladrifi. Nýja fjórhjóladrifið er búið 27 skynjurum sem meta stöðugt ástand vegarins, veggrip og hegðun ökumanns. Skilaboð eru send út í hjól bílsins jafnvel þó aðstæður breytist hratt. Átak og grip hvers hjóls er því ávallt eins og best verður á kosið.

LED lýsing og fágað útlit

Mazda CX-5 AWD hefur fengið nýtt útlit bæði að innan og utan. Aftur- og framljós bílsins hafa verið endurhönnuð og í þeim er nú LED lýsing. LED ljósin gefa meiri birtu og í þeim er ný tækni sem gerir þeim kleift að lýsa inn í beygjur og gefa meiri birtu til beggja hliða án þess þó að trufla aðvífandi umferð. Með endurhönnun ljósanna sparast orka og þar með eyðsla. Grill bílsins hefur einnig fengið sterklegra og fágaðra útlit.

Nýtt margmiðlunarkerfi

Nýtt margmiðlunarkerfi var hannað í bílinn með 7“ snertiskjá í mælaborði. Auk þess hefur handbremsunni verið skipt út fyrir rafmagnshandbremsu og þar sem áður var handbremsa er nú komið drykkjar- og geymsluhólf milli framsæta. GPS búnaður með íslandskorti er nú fáanlegur í nýjan Mazda CX-5 AWD.

Meiri hljóðeinangrun og betri efni

Innra rými Mazda CX-5 AWD jeppans hefur verið endurhannað og þar lögð áhersla á betri nýtingu rýmis og gæði í vali á efnum í innréttingar bílsins. Þykkara gler og önnur efnisnotkun í innréttingar og innra rými skilar 13% minna af veg- og umhverfishljóðum í samanburði við fyrri kynslóð.

SKYACTIV tækni Mazda

Mazda CX-5 AWD jeppinn er með fádæma lága eldsneytiseyðslu sem má þakka SKYACTIV tækni Mazda sem nær fram hámarks nýtingu á eldsneyti án þess að fórna afli eða góðum aksturseiginleikum.

Mazda CX-5 er útbúinn start/stop tækni sem slekkur á vél bílsins þegar hann er kyrrstæður, til dæmis á rauðu ljósi. Þessa tækni kallar Mazda i-Stop. Ökumaður getur auðveldlega afvirkjað búnaðinn ef hann kýs svo.

5 stjörnu öryggi

Mazda CX-5 AWD hlaut fullt hús stiga í öryggis- og árekstrarprófunum EURO NCAP. Burðarvirki bílsins er léttara en jafnframt sterkara en áður þökk sé framþróun í þeim efnum sem notuð eru við smíði bílsins en sem dæmi má nefna er 61% af þyngd bílsins hástyrktarstál.

Mazda CX-5 AWD er fáanlegur með veglínuskynjara sem lætur vita ef þú óvart ferð út af þinni akrein, skynvædd framljós sem lýsa inn í beygjur, sjálfvirk lækkun á aðalljósum ef bíll kemur á móti, snjallhemlunarkerfi sem varar bílstjórann við ef hlutur nálgast og grípur inn í akstur ef þörf er á.

Sparneytnar vélar

Hægt er að fá Mazda CX-5 AWD með bensín- eða dísilvélum. Annars vegar er um að ræða 160 -192 hestafla bensínvélar sem eyða frá aðeins 6,6 l/100 km í blönduðum akstri og losun koltvísýring er frá einungis 155 g/km. Hins vegar er um að ræða 150 - 175 hestafla dísilvélar sem eyða frá aðeins 5,5 l/100 km blönduðum akstri og losun koltvísýrings er frá einungis 136 g/km.

Úrval aukabúnaðar

Hægt er að fá úrval aukabúnaðar í Mazda CX-5 AWD jeppann. Má þar nefna þverboga á topp, dráttarkrók, Nokian vetrar- eða heilsársdekk, GPS vegaleiðsögukort, farangursnet í skott og skottmottu svo fátt eitt sé nefnt.

Þá er einnig hægt að kaupa aukalega framlengda verksmiðjuábyrgð.

 

Kynntu þér Mazda CX-5 betur

[KODO] - Soul of Motion hönnun

KODO - Soul of Motion hönnun

Vöðvastæltur líkami með sterkan burðarás. Glæsilegt útlit sem gefur vísbendingu um ákveðinn karakter. Ásýnd full af sjarma og fágun –  sem heillar þig upp úr skónum á sekúndubroti. Svona má lýsa hönnun Mazda sem kallast KODO – Soul of Motion. Innblástur hennar kemur frá hreyfingu náttúrunnar og túlkar kraftinn og spennuna sem ökumaður upplifið við stýrið á Mazda bílum.

Mazda bílar eru þekktir fyrir framúrskarandi akstursgleði jafnt sem stórglæsilegt útlit sem byggt er á SHINARI og TAKERI hugmyndabílunum sem voru þeir fyrstu sem voru hannaðir eftir KODO – Soul of Motion hönnuninni. 

+ Lesa meira

Hér fyrir neðan má sjá myndir af SHINARI og TAKERI hugmyndabílunum.

 

- Loka grein
[SKYACTIV] tækni Mazda

SKYACTIV tækni Mazda

Með SKYACTIV tækninni hefur Mazda náð frábærum árangri í að draga úr eyðslu og mengun án þess að fórna afli né viðbragði – enda er framúrskarandi akstursupplifun eitt aðalsmerki Mazda.

SKYACTIV er regnhlífarheiti yfir nýja kynslóð af tæknilegum lausnum frá Mazda. Lausnum sem snúa að vél, gírskiptingu, undirvagni og yfirbyggingu bílsins.

Með því að ögra hefðbundnum aðferðum við bílaframleiðslu tókst verkfræðingum Mazda að skapa byltingarkennda tækni. Þeir hugsuðu hlutina upp á nýtt og byrjuðu frá byrjun. Markmið þessarar þróunar var að minnka eyðslu og mengun, auka enn frekar öryggið og jafnframt gera akstursánægjuna enn meiri.

Þessum háleitu markmiðum var náð og úr varð SKYACTIV tæknin. Þökk sé henni eru Mazda bílar sérstaklega skilvirkir og öflugir.

+ Lesa meira

Hér er SKYACTIV tæknin útskýrð í skemmtilegu myndband.

 

- Loka grein
SKYACTIV  [vélar]

SKYACTIV vélar

SKYACTIV vélar hafa aukið tog, lægri koltvísýringslosun og framúrskarandi eldsneytisnotkun.

SKYACTIV bensínvélar hafa hæsta þjöppunarhlutfall (14:1) sem finnst í fjöldaframleiddri bensínvél í dag sem skilar 15% betri eldsneytisnýtingu og togkrafti miðað við sambærilega stærð af hefðbundnum bensínvélum. Togkrafturinn er sérstaklega aukinn á lægri snúningssviðum vélarinnar.

SKYACTIV dísilvélar hafa lægsta þjöppunarhlutfall ( 14:1) allra fjöldaframleiddra dísilvéla í dag. Lægra þjöppunarhlutfall í dísilvélinni skilar um 20% lægri eldsneytisnotkun og koltvísýringslosun en hefðbundnar „common rail“ dísilvélar.

+ Lesa meira

SKYACTIV vélarnar setja ný viðmið. Skoðaðu myndbandið hér fyrir neðan og þú munt skilja hvernig á því stendur.

 

- Loka grein
 SKYACTIV [yfirbygging og undirvagn]

SKYACTIV yfirbygging og undirvagn

SKYACTIV yfirbygging Mazda er bæði létt og nautsterk. Hún skapar betri eldsneytisnýtingu (af því hún er létt) og framúrskarandi öryggi þökk sé meiri notkun á hástyrktarstáli (high-tensile) sem er sterkara og léttara en hefðbundið stál.

SKYACTIV undirvagninn veitir fullkomið jafnvægi nákvæmrar meðhöndlunar og akstursþæginda. Aksturseiginleikar Mazda gera það að verkum að ökumaður finnur fyrir trausti og öryggi.

Með léttri byggingu, fimri frammistöðu og bættum stöðugleika skilar SKYACTIV undirvagninn framúrskarandi meðhöndlun, heimsklassa öryggi og skilvirkri hönnun.

+ Lesa meira

Hér er myndband um SKYACTIV yfirbyggingu og undirvagn Mazda.

 

- Loka grein
 SKYACTIV [i-stop]

SKYACTIV i-stop

i-stop búnaðurinn slekkur sjálfkrafa á bílnum þegar bíllinn er stopp (til dæmis á umferðarljósum eða í hægri umferð) og endurræsir svo bílinn til að taka aftur af stað. i- stop búnaðurinn minnkar eyðslu, mengun og hljóð frá vél þegar bíll er í lausagangi. Hægt er að afvirkja i-stop búnaðinn með því að ýta á takka í mælaborði.

i-stop búnaðurinn er frábrugðinn samskonar búnaði að því leyti að hann er ekki með hefðbundinn rafal. Þess í stað er vélin endurræst með hjálp brunaorku og DISI innspýtingarkerfi Mazda. Með þessu móti endurræsist vélin nánast samstundis, eða á einungis 0,35 sekúndum og eldsneytisnýtingin verður betri.

+ Lesa meira

Hér er myndband um SKYACTIV i-stop:

 

- Loka grein
 [MZD] margmiðlunarkerfi Mazda

MZD margmiðlunarkerfi Mazda

Reynslan af því að aka Mazda er svipuð og tengslin milli hests og knapa. Því betri sem tengingin er á milli þeirra, því meira er hægt að njóta ferðarinnar. Þessi tenging næst með því gera ökumanni kleift að framkvæma skipanir með sem minnstu fyrirhöfn, þannig hægt sé að gera breytingar á til dæmis margmiðlunarkerfinu og njóta akstursins um leið. Þannig er hægt að njóta alls þess besta í nútímatækni og vera örugg/ur á veginum á sama tíma.

+ Lesa meira

Hér er myndband um MZD margmiðlunarkerfi Mazda:

 

 

- Loka grein
 [i-ACTIVSENSE] öryggisbúnaður

i-ACTIVSENSE öryggisbúnaður

i-ACTIVSENSE er regnhlífarheiti yfir háþróaðan öryggisbúnað Mazda sem notast við nema og myndavélar. Um er að ræða annars vegar búnað sem stuðlar að öruggari akstri með því að hjálpa ökumanni að nema mögulegar hættur og hins vegar búnað sem aðstoðar við að koma í veg fyrir árekstur eða dregur úr alvarleika slysa í tilvikum þar sem árekstur er óhjákvæmilegur.

Mismunandi er eftir bílum og útfærslum hvort i-ACTIVSENSE sé hluti af staðalbúnaði bílsins eða hvort i-ACTIVSENSE sé fáanlegur sem aukabúnaður. Hægt er að sjá það í samanburðinum hér fyrir ofan eða með því að hafa samband við ráðgjafa.

 [Snjallhemlunarkerfi] \- Smart City Break Support

Snjallhemlunarkerfi
- Smart City Break Support

Snjallhemlunarkerfi Mazda aðstoðar ökumann við að koma í veg fyrir eða draga úr áhrifum áreksturs í  hægri umferð.

Nemar eru notaðir til að fylgjast með umferðinni fyrir framan bílinn. Ef kerfið skynjar hættu á árekstri er ökumaður varaður við og ef ökumaður bregst ekki við grípur kerfið inn í ef þörf krefur. Kerfið virkar á hraða frá 4-30 km/klst.

Snjallhemlunarkerfið er hluti af i-ACTIVSENSE öryggisbúnaði MAZDA.

+ Lesa meira

Myndband um Snjallhemlunarkerfi Mazda:

 

- Loka grein
 [Aðlögunarhæfur hraðastillir] \- Radar Cruise Control

Aðlögunarhæfur hraðastillir
- Radar Cruise Control

Aðlögunarhæfur hraðastillir viðheldur öruggri fjarlægð við næsta bíl. Kerfið virkar á hraða yfir 30 km/klst. 

Aðlögunarhæfi hraðastillirinn er hluti af i-ACTIVSENSE öryggisbúnaði MAZDA.

+ Lesa meira

Myndband sem útskýrir hvernig Aðlögunarhæfur hraðastilli virkar:

 

- Loka grein
 [Veglínuskynjari]  \- Lane Keep Assist

Veglínuskynjari
- Lane Keep Assist

Veglínuskynjarinn lætur ökumann vita ef bíllinn fer yfir á rangan vegarhelming eða ef hann fer til hægri (semsagt út í kant). Kerfið virkar á hraða yfir 60 km/klst.

Veglínuskynjarinn er hluti af i-ACTIVSENSE öryggisbúnaði MAZDA.

+ Lesa meira

Veglínuskynjari - myndband:

 

 

- Loka grein
 [Sjálfvirk lækkun á aðalljósum] \- High Beam Control

Sjálfvirk lækkun á aðalljósum
- High Beam Control

Sjálfvirk lækkun á aðalljósum er mjög þægilegur búnaður þegar ekið er í myrkri. Kerfið nemur aðkomandi bíla og skiptir sjálfkrafa á milli háu og lágu ljósanna. Með því er enginn hætta á að háu ljósin blindi aðra ökumenn. Aksturinn verður mun afslappaðri og öruggari.

Sjálfvirk lækkun á aðalljósum er hluti af i-ACTIVSENSE öryggisbúnaði MAZDA.

+ Lesa meira

Sjálfvirk lækkun á aðalljósum - myndband:

 

- Loka grein
 [Blindpunktsaðvörun]  \- Blind Spot Monitoring

Blindpunktsaðvörun
- Blind Spot Monitoring

Þrátt fyrir að hliðarspeglar séu rétt stilltir þá hefur ökumaður ekki fullkomna sýn yfir ökutæki sem eru  nálægt bílnum. Blindi punkturinn er heiti yfir það svæði til hliðar við bílinn (fyrir aftan) sem ökumaður á oft erfitt með að sjá.

Blindpunktsaðvörunin lætur ökumann vita ef bíll er í blinda punktinum (kerfið nemur 8 metra fyrir aftan bílinn) með litlum ljósmerkjum í hliðarspeglunum.

Ef ökumaður setur stefnuljós á og kerfið nemur bíl í blinda punktinum gefur kerfið frá sér aðvörunarhljóð og lítið ljósmerki blikkar í hliðarspeglunum. Ljósmerkið hættir svo að blikka þegar enginn bíll er lengur í blinda punktinum.

Blindpunktsaðvörunin er hluti af i-ACTIVSENSE öryggisbúnaði MAZDA.

+ Lesa meira

Blindpunktsaðvörunarkerfi - myndband:

 

- Loka grein
 [Ökumannsaðstoð]  \- Driver Attention Alert

Ökumannsaðstoð
- Driver Attention Alert

Ökumannsaðstoð fylgist með hegðun ökumanns og greinir breytingar á aksturslagi. Sé ökumaður orðinn það þreyttur að það hafi áhrif á akstur birtist viðvörun og ökumaður hvattur til að taka pásu frá akstri til að hvílast.

Ökumannsaðstoðin er hluti af i-ACTIVSENSE öryggisbúnaði MAZDA.

+ Lesa meira

Ökumannsaðstoð - myndband: 

 

- Loka grein