Hvort sem þú ert að fara að keyra á líflegum borgargötum eða kyrrlátum sveitavegum þá aðlagast Mazda CX-30 óaðfinnalega inn í ferðalagið. Hann umvefur þig algjörum þægindum og dekrar við þig eins og sæmir Jinba Ittai hönnunarstefnu Mazda sem sameinar ökumann og bíl í eina heild. Mazda CX-30 breytir hverri ferð í spennandi ævintýri með óviðjafnanlegum öryggiseiginleikum og framúrskarandi ökumannsaðstoð.
Það getur verið erfið ákvörðun að ákveða lit á nýja bílinn. Verður það nýi Ceramic White eða ferðu í tímalausa Soul Red Crystal? Hvað sem þú ákveður geturðu verið viss um að allir bílar okkar eru málaðir með okkar einstöku Takuminuri tækni sem gefur fullkomna áferð.
Hugmyndafræðin á bak við Kodo hönnun Mazda er einföld: að glæða bílana lífi. Þess vegna er Mazda CX-30 auðþekkjanlegur um leið og þú lítur hann augum, sem unglegur og kraftmikill sportjeppi. Hann hreyfist glæsilega með afgerandi S-laga yfirborði sem endurspeglar landslag sem líður hjá. Grípandi farartæki sem hefur kraftmikla nærveru á veginum.
Mazda CX-30 Centre-Line er án nokkurs vafa glæsilegur og vel búinn bíll sem býður upp á einstaka akstursupplifun. Hann sameinar nýstárlega tækni og þægindi í hverju smáatriði. Með sjálfvirkri dimmingu á hliðarspeglum og framrúðuskynjara fyrir rigningu er útbúnaður bílsins í hæsta gæðaflokki. Hljómtæki bílsins eru ekki eftirbátar annarra búnaðarútfærslna með átta hátölurum sem skila tærum og kraftmiklum hljómi fyrir frábæra hlustunarupplifun á ferðinni. Mazda CX-30 Centre-Line er hágæða valkostur fyrir þá sem leita að fáguðum og tæknivæddum bíl.
Án nokkurs vafa er sérútgáfan Mazda CX-30 Nagisa tignarleg og ímynd glæsileikans. Hún er smíðuð í Japan og ber þess merki í öllum atriðum, með fágaðri hönnun og búnaði sem veitir einstaka akstursupplifun. Fægð svört og „gunmetal“ hönnunaratriði fullkomna stjórnklefann með glæsibrag. En fyrir utan áberandi hönnunarbætur, nýtir CX-30 Nagisa nýstárlega tækni til að bæta akstursupplifunina. Rafdrifna bílstjórasætið, framrúðuskjárinn og minnisstillingar fyrir útispegla má sérsníða eftir þörfum hvers og eins. BOSE® hljóðkerfið með einstöku BassMatch tækninni skilar ákafri og öflugri hlustunarupplifun. Að utan samræmist svarta framgrillið svörtu hliðarspeglunum og 18 tommu felgunum fyrir straumlínulagað útlit sem geislar af sportlegra yfirbragði.
Innréttingin í Nagisa er sannkölluð listaverk með fáguðum svörtum rússkins- og leirlitum leðurlíkissætum, ásamt svörtu Leganu® gervirússkinni á mælaborðinu, allt með leirlitum saumum.
Léttu og skilvirku Skyactiv vélarnar okkar skila fullkominni blöndu af afköstum og meiri hagkvæmni. Byltingarkennd e-Skyactiv X vél Mazda er til dæmis með nýstárlega M Hybrid kerfið sem eykur tog, sparneytni og hemlunarkraft fyrir mýkri og skemmtilegri akstur.
Mazda CX-30 hefur hlotið hámarks fimm stjörnu einkunn frá Euro NCAP stofnuninni með framúrskarandi 99% einkunn í flokki fullorðinna farþega.
10,25 tommu skjárinn í Mazda CX-30 sýnir þér upplýsinga- og afþreyingarvalkosti og áhugaverða staði sem eru nálægt þér hverju sinni. Tengdu bílinn við símann þinn með þráðlausu Apple Car Play og Android Auto.
Þú hefur aðgang að Mazda Connected Services með MyMazda appinu.
Skoðaðu verðlistann eða hafðu samband. Við tökum líka vel á móti þér í reynsluakstur í Reykjavík og á Akureyri.
Sjáðu laus eintök af Mazda CX-30.
Viltu prófa Mazda CX-30? Hafðu samband eða líttu við hjá okkur.
Í verðlistanum finnurðu nánari upplýsingar um bílinn og aukabúnað.
Sendu okkur skilaboð og við höfum samband.
