Mazda MX-5
- goðsögnin er endurfædd

Mazda MX-5

Verð frá 3.590.000 kr.
Eyðsla frá 4,9 l/100
CO₂ losun frá 139 g/km

Nýr Mazda MX-5 er byggður á firna sterkum rótum forvera síns og hefur allt sem þessi goðsögn innan sportbílaheimsins hefur verið þekkt fyrir og meira til. Nýr MX-5 er hannaður í anda KODO – Soul of Motion hugmyndafræðinnar sem innblásin er af hreyfingum, krafti og lipurð blettatígurs.

Aksturseiginleikar Mazda MX-5 eru það frábærir að það verður ást við fyrstu beygju. Mazda MX-5 steinliggur á veginum. Hann er jafnframt léttur, lipur og með drif á afturhjólunum eins og ekta sportbílar eiga að vera.

Sestu við stýrið á Mazda MX-5 og þú færð umsvifalaust réttu tilfinninguna fyrir veginum. Ekki bíða lengur en þú þarft með að láta drauminn rætast.

Framúrskarandi aksturseiginleikar

Þú þarft ekki annað en að horfa á nýja MX-5 og hjartað fer að slá hraðar. Þarna er á ferðinni sportbíll sem er stútfullur af sjálfstrausti og þú veist að framundan er ökuferð sem skapar ánægjulegar minningar.

Í Mazda MX-5 sameinast eðalkostir sportbíls: næmt viðbragð og hárfín stjórnun. Hönnuðir Mazda hafa ástríðu fyrir aksturseiginleikum, ekki bara góðum heldur framúrskarandi.

Upplifun segir meira en mörg orð. Snögg gírskipting, lágur þyngdarpunktur, sprækar vélar ásamt fullkominni sætisstöðu kalla fram sérstaka tilfinningu hjá ökumanni. Þessa tilfinningu kalla japanar „Jinba ittai“ sem lýsir því þegar hestur og knapi verða eitt.

Elskaðu að keyra

Mazda bílar eru hannaðir af ástríðu, hvert einasta smáatriði vel ígrundað og úthugsað. Hönnuðir Mazda leggja hjarta sitt og sál í að hanna bíla sem uppfylla ströngustu kröfur þínar um þægindi, akstursupplifun, gæði og öryggi. Elskaðu að keyra Mazda.

Margverðlaunuð tækni

Framúrskarandi aksturseiginleikar eru hreinlega í genum Mazda MX-5. Í nýja MX-5 er hin margverðlaunaða SKYACTIV tækni Mazda sem sameinar góðan vélarkraft samhliða lágri eyðslu og takmarkalausri akstursgleði.

Hönnuðum Mazda tókst að létta nýja MX-5 um heil 100 kg og jafnframt var vélin færð nær miðju bílsins. Með því er nær fullkominni 50/50 þyngdardreifingu náð og fyrir vikið er akstursánægjan enn meiri en áður.

Heimsbíll ársins 2016

Nýr Mazda MX-5 sópar að sér verðlaunum. Hann var valinn heimsbíll ársins World Car of the Year 2016 og einnig hlaut hann hönnunarverðlaunin World Car Design of the Year. Sá fyrsti sem hlýtur báða titlana.

Mazda MX-5 var þar að auki valinn bíll ársins í Japan 2015-2016. Þetta er ekki í fyrsta skiptið sem MX-5 hlýtur þennan titil en það gerðist einnig árin 2005-2006. Mazda MX-5 er þriðji Mazda bíllinn af SKYACTIV kynslóðinni sem er valinn bíll ársins í Japan á undanförnum fjórum árum.

Fleiri verðlaun hafa fallið í skaut Mazda MX-5. Hann var til að mynda valinn „Roadster of the Year 2015“ af virta bílatímaritinu Auto Express, hlaut einnig hönnunarverðlaunin Red Dot Design Award: Best of the best 2015, og þá var hann auk þess valinn Best Convertible 2016 af What Car tímaritinu.

Háþróaður öryggisbúnaður

Mazda MX-5 er búinn afar öflugu og háþróuðu bremsukerfi og fáanlegur með blindpunktsaðvörunarkerfi og skynvæddum framljósum sem lýsa inn í beygjur ásamt annarra atriða sem snúa að öryggi þínu og farþega bílsins.

 

 

Berðu saman verð og búnað

Hér getur þú borið saman útfærslur, drif, vélar og skiptingar sem eru í boði.

Niðurstöður samanburðar birtast hér fyrir neðan.

mazda_mx5_yfirlit
Veldu drif, vél og skiptingu:
Verð
mazda_mx5_yfirlit
Veldu drif, vél og skiptingu:
Verð

Kynntu þér Mazda MX-5 betur

[KODO] - Soul of Motion hönnun

KODO - Soul of Motion hönnun

Vöðvastæltur líkami með sterkan burðarás. Glæsilegt útlit sem gefur vísbendingu um ákveðinn karakter. Ásýnd full af sjarma og fágun –  sem heillar þig upp úr skónum á sekúndubroti. Svona má lýsa hönnun Mazda sem kallast KODO – Soul of Motion. Innblástur hennar kemur frá hreyfingu náttúrunnar og túlkar kraftinn og spennuna sem ökumaður upplifið við stýrið á Mazda bílum.

Mazda bílar eru þekktir fyrir framúrskarandi akstursgleði jafnt sem stórglæsilegt útlit sem byggt er á SHINARI og TAKERI hugmyndabílunum sem voru þeir fyrstu sem voru hannaðir eftir KODO – Soul of Motion hönnuninni. 

+ Lesa meira

Hér fyrir neðan má sjá myndir af SHINARI og TAKERI hugmyndabílunum.

 

- Loka grein
[SKYACTIV] tækni Mazda

SKYACTIV tækni Mazda

Með SKYACTIV tækninni hefur Mazda náð frábærum árangri í að draga úr eyðslu og mengun án þess að fórna afli né viðbragði – enda er framúrskarandi akstursupplifun eitt aðalsmerki Mazda.

SKYACTIV er regnhlífarheiti yfir nýja kynslóð af tæknilegum lausnum frá Mazda. Lausnum sem snúa að vél, gírskiptingu, undirvagni og yfirbyggingu bílsins.

Með því að ögra hefðbundnum aðferðum við bílaframleiðslu tókst verkfræðingum Mazda að skapa byltingarkennda tækni. Þeir hugsuðu hlutina upp á nýtt og byrjuðu frá byrjun. Markmið þessarar þróunar var að minnka eyðslu og mengun, auka enn frekar öryggið og jafnframt gera akstursánægjuna enn meiri.

Þessum háleitu markmiðum var náð og úr varð SKYACTIV tæknin. Þökk sé henni eru Mazda bílar sérstaklega skilvirkir og öflugir.

+ Lesa meira

Hér er SKYACTIV tæknin útskýrð í skemmtilegu myndband.

 

- Loka grein
SKYACTIV  [vélar]

SKYACTIV vélar

SKYACTIV vélar hafa aukið tog, lægri koltvísýringslosun og framúrskarandi eldsneytisnotkun.

SKYACTIV bensínvélar hafa hæsta þjöppunarhlutfall (14:1) sem finnst í fjöldaframleiddri bensínvél í dag sem skilar 15% betri eldsneytisnýtingu og togkrafti miðað við sambærilega stærð af hefðbundnum bensínvélum. Togkrafturinn er sérstaklega aukinn á lægri snúningssviðum vélarinnar.

SKYACTIV dísilvélar hafa lægsta þjöppunarhlutfall ( 14:1) allra fjöldaframleiddra dísilvéla í dag. Lægra þjöppunarhlutfall í dísilvélinni skilar um 20% lægri eldsneytisnotkun og koltvísýringslosun en hefðbundnar „common rail“ dísilvélar.

+ Lesa meira

SKYACTIV vélarnar setja ný viðmið. Skoðaðu myndbandið hér fyrir neðan og þú munt skilja hvernig á því stendur.

 

- Loka grein
 SKYACTIV [yfirbygging og undirvagn]

SKYACTIV yfirbygging og undirvagn

SKYACTIV yfirbygging Mazda er bæði létt og nautsterk. Hún skapar betri eldsneytisnýtingu (af því hún er létt) og framúrskarandi öryggi þökk sé meiri notkun á hástyrktarstáli (high-tensile) sem er sterkara og léttara en hefðbundið stál.

SKYACTIV undirvagninn veitir fullkomið jafnvægi nákvæmrar meðhöndlunar og akstursþæginda. Aksturseiginleikar Mazda gera það að verkum að ökumaður finnur fyrir trausti og öryggi.

Með léttri byggingu, fimri frammistöðu og bættum stöðugleika skilar SKYACTIV undirvagninn framúrskarandi meðhöndlun, heimsklassa öryggi og skilvirkri hönnun.

+ Lesa meira

Hér er myndband um SKYACTIV yfirbyggingu og undirvagn Mazda.

 

- Loka grein
 SKYACTIV [i-stop]

SKYACTIV i-stop

i-stop búnaðurinn slekkur sjálfkrafa á bílnum þegar bíllinn er stopp (til dæmis á umferðarljósum eða í hægri umferð) og endurræsir svo bílinn til að taka aftur af stað. i- stop búnaðurinn minnkar eyðslu, mengun og hljóð frá vél þegar bíll er í lausagangi. Hægt er að afvirkja i-stop búnaðinn með því að ýta á takka í mælaborði.

i-stop búnaðurinn er frábrugðinn samskonar búnaði að því leyti að hann er ekki með hefðbundinn rafal. Þess í stað er vélin endurræst með hjálp brunaorku og DISI innspýtingarkerfi Mazda. Með þessu móti endurræsist vélin nánast samstundis, eða á einungis 0,35 sekúndum og eldsneytisnýtingin verður betri.

+ Lesa meira

Hér er myndband um SKYACTIV i-stop:

 

- Loka grein
 [MZD] margmiðlunarkerfi Mazda

MZD margmiðlunarkerfi Mazda

Reynslan af því að aka Mazda er svipuð og tengslin milli hests og knapa. Því betri sem tengingin er á milli þeirra, því meira er hægt að njóta ferðarinnar. Þessi tenging næst með því gera ökumanni kleift að framkvæma skipanir með sem minnstu fyrirhöfn, þannig hægt sé að gera breytingar á til dæmis margmiðlunarkerfinu og njóta akstursins um leið. Þannig er hægt að njóta alls þess besta í nútímatækni og vera örugg/ur á veginum á sama tíma.

+ Lesa meira

Hér er myndband um MZD margmiðlunarkerfi Mazda:

 

 

- Loka grein
 [i-ACTIVSENSE] öryggisbúnaður

i-ACTIVSENSE öryggisbúnaður

i-ACTIVSENSE er regnhlífarheiti yfir háþróaðan öryggisbúnað Mazda sem notast við nema og myndavélar. Um er að ræða annars vegar búnað sem stuðlar að öruggari akstri með því að hjálpa ökumanni að nema mögulegar hættur og hins vegar búnað sem aðstoðar við að koma í veg fyrir árekstur eða dregur úr alvarleika slysa í tilvikum þar sem árekstur er óhjákvæmilegur.

Mismunandi er eftir bílum og útfærslum hvort i-ACTIVSENSE sé hluti af staðalbúnaði bílsins eða hvort i-ACTIVSENSE sé fáanlegur sem aukabúnaður. Hægt er að sjá það í samanburðinum hér fyrir ofan eða með því að hafa samband við ráðgjafa.

 [Snjallhemlunarkerfi] \- Smart City Break Support

Snjallhemlunarkerfi
- Smart City Break Support

Snjallhemlunarkerfi Mazda aðstoðar ökumann við að koma í veg fyrir eða draga úr áhrifum áreksturs í  hægri umferð.

Nemar eru notaðir til að fylgjast með umferðinni fyrir framan bílinn. Ef kerfið skynjar hættu á árekstri er ökumaður varaður við og ef ökumaður bregst ekki við grípur kerfið inn í ef þörf krefur. Kerfið virkar á hraða frá 4-30 km/klst.

Snjallhemlunarkerfið er hluti af i-ACTIVSENSE öryggisbúnaði MAZDA.

+ Lesa meira

Myndband um Snjallhemlunarkerfi Mazda:

 

- Loka grein
 [Aðlögunarhæfur hraðastillir] \- Radar Cruise Control

Aðlögunarhæfur hraðastillir
- Radar Cruise Control

Aðlögunarhæfur hraðastillir viðheldur öruggri fjarlægð við næsta bíl. Kerfið virkar á hraða yfir 30 km/klst. 

Aðlögunarhæfi hraðastillirinn er hluti af i-ACTIVSENSE öryggisbúnaði MAZDA.

+ Lesa meira

Myndband sem útskýrir hvernig Aðlögunarhæfur hraðastilli virkar:

 

- Loka grein
 [Veglínuskynjari]  \- Lane Keep Assist

Veglínuskynjari
- Lane Keep Assist

Veglínuskynjarinn lætur ökumann vita ef bíllinn fer yfir á rangan vegarhelming eða ef hann fer til hægri (semsagt út í kant). Kerfið virkar á hraða yfir 60 km/klst.

Veglínuskynjarinn er hluti af i-ACTIVSENSE öryggisbúnaði MAZDA.

+ Lesa meira

Veglínuskynjari - myndband:

 

 

- Loka grein
 [Sjálfvirk lækkun á aðalljósum] \- High Beam Control

Sjálfvirk lækkun á aðalljósum
- High Beam Control

Sjálfvirk lækkun á aðalljósum er mjög þægilegur búnaður þegar ekið er í myrkri. Kerfið nemur aðkomandi bíla og skiptir sjálfkrafa á milli háu og lágu ljósanna. Með því er enginn hætta á að háu ljósin blindi aðra ökumenn. Aksturinn verður mun afslappaðri og öruggari.

Sjálfvirk lækkun á aðalljósum er hluti af i-ACTIVSENSE öryggisbúnaði MAZDA.

+ Lesa meira

Sjálfvirk lækkun á aðalljósum - myndband:

 

- Loka grein
 [Blindpunktsaðvörun]  \- Blind Spot Monitoring

Blindpunktsaðvörun
- Blind Spot Monitoring

Þrátt fyrir að hliðarspeglar séu rétt stilltir þá hefur ökumaður ekki fullkomna sýn yfir ökutæki sem eru  nálægt bílnum. Blindi punkturinn er heiti yfir það svæði til hliðar við bílinn (fyrir aftan) sem ökumaður á oft erfitt með að sjá.

Blindpunktsaðvörunin lætur ökumann vita ef bíll er í blinda punktinum (kerfið nemur 8 metra fyrir aftan bílinn) með litlum ljósmerkjum í hliðarspeglunum.

Ef ökumaður setur stefnuljós á og kerfið nemur bíl í blinda punktinum gefur kerfið frá sér aðvörunarhljóð og lítið ljósmerki blikkar í hliðarspeglunum. Ljósmerkið hættir svo að blikka þegar enginn bíll er lengur í blinda punktinum.

Blindpunktsaðvörunin er hluti af i-ACTIVSENSE öryggisbúnaði MAZDA.

+ Lesa meira

Blindpunktsaðvörunarkerfi - myndband:

 

- Loka grein